Staar Suid-Afrika revolusie in die gesig?

deur Dan Roodt,

Beste mede-Afrikaner,

Sedert 1994 en selfs daarvoor, het die hoofstroommedia in Suid-Afrika nog altyd die blanke en Afrikanerbevolking probeer sus deur radikale uitsprake van ANC-lede oor revolusie en grondhervorming as "blote praatjies" af te maak. In sommige kringe is daar selfs oor die hamer-en-sekel as 'n soort modebykomstigheid gegiggel. Lees verder...

Ek is ’n Afrikaner, nie ’n Suid-Afrikaner nie

deur Dan Roodt,

En daar beledig Lood my deur my ‘n “Suid-Afrikaner” te noem!

As Afrikaanse kan Lood gerus daarop let dat ek steeds as ’n Afrikaner geklassifiseer wil word.

Die Amerikaanse TV-program waarin ek kwansuis “naam weggegooi het”, het onsamehangende videogrepe van my antwoorde op vrae oor die Afrikaner se toekoms bevat wat agterna as “rassekommentaar” aangebied is. Lees verder...

Rapport beskuldig my van 'heul met neo-Nazi's'

deur Dan Roodt,

In ons land is die "apartheidtyd" sedert 1994 deur die "volksmoordtyd" opgevolg. Iewers vorentoe gaan historici moet kyk na die rol van die Suid-Afrikaanse gedrukte media wat die huidige moorde, verkragtings en diskriminasie teen minderheidsgroepe verwyg het terwille van allerlei propagandaveldtogte om hierdie bankrot stelsel in stand te hou. In vandag se Rapport word my uitgebreide besoek aan Europa waartydens ek met 'n verskeidenheid partye, staatsamptenare en individue gesels het afgemaak as Roodt soek in Europa steun van neo-Nazi’s. Lees meer...

Waarom sou Afrikaners nié Engelse skole afbrand nie?

Geskryf deur Dan Roodt,

Dan Fourie openbaar homself as ‘n bewonderaar van prof Jonathan Jansen van Bloemfontein. Ook is hy geweldig geskok deur my voorstel dat iemand ‘n paar Engelse skole gaan afbrand. Toe ek aanvanklik voorgestel het dat Afrikaners iets daadwerkliks moet begin doen om hulself teen die staat se taalaggressie te verdedig, het ek die afbrand van Engelse skole bloot as ‘n voorbeeld gebruik. Self sal ek nie tot so iets oorgaan nie, want ek is bang ek steek myself aan die brand. Boonop hou ek nie van die reuk van petrol nie. Lees meer...

Dr. Dan Roodt se Lentedag boodskap aan PRAAG ondersteuners

Beste Praag-ondersteuner,

In Suid-Afrika vier ons vandag Lentedag, en dis beslis geen Meidag nie. Te oordeel aan bostaande grafiek van weeklikse besoeke aan ons nuus- en meningsblad, www.praag.co.za, is daar beslis 'n Praagse Lente in Afrikaans aan die gang, want oor die afgelope drie maande het besoeke aan praag.co.za verdubbel.

Teenoor die eenselwigheid van die Suid-Afrikaanse media met hul daaglikse dosis misdaad en politieke korrektheid, poog ons om prikkelende nuus en menings aan te bied wat mense aan die dink sit. Die geskiedenis van media in Suid-Afrika is een van beheer deur die Britse Ryk, die mynhuise, asook die ou Broederbond en Nasionale Party wie se ideologiese sienings dikwels vrye debat en nuwe perspektiewe gesmoor het. Ná 1994 het dieselfde media in die nadraai van die Koue Oorlog verder in 'n geykte propagandataal verval, dié keer ontleen aan die VSA met sy ongemaklike gemeenplase oor diversiteit, regstellende aksie en dergelike meer. Plek vir skeppende, inheemse denke oor Afrikanerskap en die land se tipiese Afrikaprobleme was daar helaas nie.

Maar soos elke winter uiteindelik moet wyk voor bome wat bot en in bloeisels uitslaan, soos selfs die Sowjet-tenks in 1968 slegs tydelik die Praagse lente in Tsjeggië kon stuit, so fladder 'n swaeltjie op 'n dag vanuit wie weet waar bo die dakke se nokke verby en besef 'n mens skielik: 'n nuwe, vryer - en blyer - seisoen het aangebreek.

Alle revolusies begin klein en dit sou onvanpas wees om nou al op ons louere te begin rus. Terwyl ons getroue ondersteuners tot dusver rojaal bygedra het om ons joernalistieke opstootjie teen Grootbroer moontlik te maak, durf ons nou groter droom. Ons wil ten minste nog twee voltydse joernaliste aanstel om verborge Suid-Afrikaanse nuusgebeure te gaan uitsnuffel, asook ons huidige aanbod in verskeidenheid uitbrei. Ons benodig ook bykomende toerusting om 'n werklike multimediakanaal te word. Onder andere wil ons 'n weeklikse geselsprogram oor aktuele sake op die internet laai waar mense dit op YouTube en elders kan kyk.

Om dit alles moontlik te maak, moet ons 'n bedrag van R100 000 insamel. Diegene wat reeds maandeliks by wyse van 'n debietorder of bankoordrag tot die sukses van ons webblad bydra, hoef hul waarskynlik nie aan dié oproep te steur nie. Maar indien u 'n paar rand kan skenk om ons webwerf se sport-, leef-, reis-, vermaak-, motor- en ander afdelings uit te brei, sal u eendag kan sê dat u 'n aandeel aan die Afrikaanse revolusie gehad het.

Ons bankrekeningnommer is: ABSA Fourways, takkode 632905, tjekrekeningnommer 4052326604 en gebruik u van en voorletters as verwysing. Of staan 'n maandelikse debietorder toe deur vir ons 'n e-pos te stuur aan debietorders@praag.co.za en ons sal elke e-pos persoonlik beantwoord.

Ons sal u voortdurend op hoogte hou van hoe ons fondsinsameling vorder en ook, waar doenlik, name van skenkers publiseer.

Wie weet, oor 'n paar jaar gaan ons almal terugkyk en ons verstom oor die gemak waarmee ons 'n alternatiewe medium op die internet gevestig het wat Afrikaners van regoor die wêreld met mekaar verbind en 'n nuwe politieke en kulturele toekoms vir ons moontlik gemaak het.

Soos I.D. du Plessis gesê het:

...soet is die stryd vir die stryer,
Al moet hy uiteindelik verloor;
Maar die man wat sy deelname weier,
Is die man wat sy nasie vermoor.

'n Heerlike Lentedag word u toegewens.

Met vriendelike groete,

Dan Roodt
Direkteur

De Klerk en Britte se orde stort in duie

Afrikaner perspektief: PRAAG, Geskryf deur Dan Roodt

Dít wat Dan Fourie en Pieter Redelinghuys op LitNet my “fantasieë” noem, is dalk besig om gouer as wat selfs ek gedink het, te realiseer. Die byna landwye opstand teen die ANC wat in die swart woonbuurtes aan die gang is, toon dat hierdie orde wat FW de Klerk en sy Britse marionetmeesters op ons afgedwing het, besig is om in duie te stort.

Dié foto wat in Thokoza aan die Oosrand geneem is, druk dit alles baie mooi uit. Op die plakkate van die swart betogers staan: “AWB was better than ANC” en “We vote for better life not for worse. We live like pigs.” Lees meer...

Dan Roodt - die mens agter die aktivis

Afrikaner perspektief: Geskryf deur Jansie Kotze

(Hierdie artikel is ongeveer vyfjaar oud, maar bied interessante insigte rakende 'n gesofistikeerde Afrikaner leiersfiguur.)

Dan Roodt is heeltemal anders as wat ek myself voorgestel het. Hy is skaam en rankerig. Grys. Weg is die lang, anargisties-geïnspireerde ‘kapsel’. Dit het plek gemaak vir ’n bedaarde middeljarige haarstyl. Gelukkig het ’n foto in die koerant my gewaarsku dat die flambojante beeld waarmee Dan Roodt ’n kultusfiguur geword het, aan die verlede behoort. Die platwees-op-die-aarde kom egter as ’n verrassing. En soos dit ’n taalaktivis betaam, praat hy suiwer Afrikaans.

(Foto hierbo: Afrikanerregte aktivis Dan Roodt)

Vir die afgelope 20 jaar het Dan Roodt in en uit die Afrikaanse publieke oog bly glip en ons verbeelding aangegryp met sy kompromielose en, ja, soms selfs uitspattige uitsprake en gedrag. Hy lag oor die oshart-insident in die vroeë tagtigerjare. ’n Paar mense by RAU het hom genooi om poësie te kom lees. Hy het in ’n dadaïstiese gebaar ’n oshart oor sy linkerbors vasgestrep, en ’n komposisie van ‘kru’ woorde voorgelees. Soos die hart ontdooi het, het bloed by sy borskas afgedrup. Die gebaar moes sy pyn simboliseer. Lees verder...

Is huidige onluste die voorspel tot revolusie?

Afrikaner perspektief: PRAAG, Geskryf deur Dan Roodt

Iets merkwaardigs is op die oomblik besig om in Suid-Afrika te gebeur. Vir die eerste keer in dekades vind skynbaar spontane onluste onder die swart bevolking in hul woonbuurtes plaas. Ons moet onthou dat vorige onrusepisodes, in die sewentiger- en tagtigerjare onder die vorige bewind, met honderde miljoene dollar vanuit die buiteland aangestook is.

Trouens, in Suid-Afrika is iets soos "spontane onluste" eintlik 'n non sequitur. Maar tensy die Sweedse regering, die Anglikaanse kerk, Wêreldraad van Kerke of die Britse of Amerikaanse geheime diens soos in die verlede weer besig is om opstand teen die regering aan te blaas, vind daar vandag iets baie ongewoons plaas. Swartmense betoog en pleeg openbare geweld uit protes, nie omdat hulle ideologies vanuit Londen of Stockholm gemotiveer en - belangriker - befonds word nie, maar vanself! Lees meer...

Dan Roodt lewer repliek op Jan Jan Joubert en Hugo Geldenhuys

Afrikaner perspektief:

Die onderstaande skrywe is te sien op Twitter, sowel as in Rapport se aanlyn koerant. Dit vorm deel van die forum debat op Jan Jan Joubert se jongste rubriek.

Bron: Dan Roodt op Twitter

Hugo Geldenhuys se Stockholm-sindroom, 28/06/2009, Dan Roodt

Geagte mnr. Geldenhuys, u onbeleefde styl en gejy-en-jou spreek van ‘n voorheen benadeelde opvoeding. Feit is dat die Commercial Farmers Union van Zimbabwe juis gepoog het om Mugabe en sy trawante terwille te wees, maar op die ou einde is hulle plase gekonfiskeer en aan die Mugabe-kliek uitgedeel. “Grondhervorming” hier by ons volg presies dieselfde paadjie, behalwe dat sommige boere nog nie aan die Stockholm-sindroom ly nie. Stockholm-sindroom beteken mos dat ‘n mens diegene wat jou gyselaar hou of afpers, probeer paai deur saam te speel. Waarom moet ons boere die ANC se landboubeleid waarvoor die magtige party nie die “kepessitie” het nie, uitvoer? Betaal ons nie reeds genoeg belastings en heffings en word ons nie reeds genoeg benadeel deur rassewetgewing op opvoedkundige, ekonomiese en kulturele gebied nie? Hoeveel spogplase het nie al weens “grondhervorming” misluk nie? Plante en diere wat vrek sonder water of kos en ‘n amptenaar of drie in slap swart karre wat al die finansi? voordeel uit die transaksie put?
Ons moet ons oë begin oopmaak vir die werklikheid. Voedselproduksie het wêreldwyd ‘n strategiese aktiwiteit geword. Die Afrikaner in Suid-Afrika het die hef in die hand en moet met sy oorheersers begin onderhandel en nie meer oorgawe as die enigste (valse) hoop op oorlewing sien nie. Indien die ANC sy volgelinge wil opsweep om die boere se grond te kom vat, sal dit nie lank wees voor hongersnood en ‘n ekonomiese krisis onstaan nie en dan sal die ANC, anders as Zanu-PF wat deur Suid-Afrikaanse hulp aan bewind gehou word, binne enkele maande uit die mag wees. So dom is die magshonger ANC in elk geval nie. N?im besef hulle maar te goed hoe die Amerikaners en die Britte hulle dophou. Oxfam voer tans die oorblywende bevolking van Zimbabwe, maar wil nie noodwendig ook die 40 miljoen swartes in SA van kosrantsoene hoef te voorsien nie.
Ons moet nou bietjie gewerweld begin raak en ons gesonde verstand begin gebruik. Om as intellektuele slaaf vir ‘n sogenaamde “opkomende boer”, wat deur die Party op jou plaas ontplooi word, op te tree, is nie net eerloos lafhartig nie, maar ook plein dom. Vra maar vir Zimbabwe se CFU.
En Jan-Jansalie wat so hoog opgee oor die Franse revolusie en geen snars daarvan verstaan nie, het nog nie van Pierre Vergniaud se frase gehoor nie: “Die revolusie, soos Saturnus, verorber sy eie kinders.” Overgezet synde: diegene wat die ANC en radikale groepe soos PLAAS (Programme for Land and Agrarian Studies) se beleid help uitvoer, gaan eerste aan die hakskeen gebyt word.

Linguistic cleansing

Afrikaner perspective: Written by PRAAG, Dan Roodt

The ANC government's appeal to the Constitutional Court to force Hoërskool Ermelo - the last remaining Afrikaans high school in Mpumalanga - to change its classes to English is tantamount to ethnic cleansing.

The issue of discrimination is a perfect tautology. Nowhere in the world, except perhaps in South Africa and in Zimbabwe, will anyone accept that providing mother-tongue education constitutes a form of "racial discrimination". In fact, the state is clearly showing its anti-white and anti-Afrikaans bias in pursuing its ... Read more...

Ras – die nuwe alibi vir Afrikanerhaat

Afrikaner perspektief: PRAAG, Geskryf deur Dan Roodt

Leopold Scholtz lewer ‘n pleidooi dat taalstryders vir ‘n Afrikaanse Stellenbosch nie met “die teerkwas van apartheid” bygekom moet word nie. Nietemin is dit presies wat hy – en Dawie – doen deur te beweer dat ek “terughunker na apartheid”.

Ek was nog nooit ‘n voorstander van kleinlike segregasie nie en in my studentedae rondom 1980 het ek saam met swartes in die lokasies gekuier. Toe kon mens dit nog doen sonder om jou lewe te waag, anders as vandag. Dus verwerp ek Leopold Scholtz en Dawie se smeerveldtog teen my met die minagting wat dit verdien.
Lees volledige rubriek...

Godsdiens en politiek - 'n Afrikanerdilemma

Afrikaner perspektief: Geskryf deur Dan Roodt
Maandag, 22 Junie 2009

Soos ek reeds tevore gesê het, viind ek dat godsdiens en politiek geskei moet word. Selfs al glo mens dat die staat Christelik moet wees, bly die vraag nog: watter interpretasie van die Christelike geloof en watter kerkverband?

In die vroeë dae van die Boererepublieke was daar konflikte oor godsdiens. Tydens die kort burgeroorlog in die Transvaal in die vroeë 1860s, ....
Lees volledige rubriek...