FW het gelieg, gelieg en gelieg

(Foto: Vroueverneuker, bedrieer van vriende, volksverraaier.)

Deur J.A. van den Bergh - My Beeld

Anders as wat aan ons voorgehou word, was die politieke veranderinge van 1990 nie ’n “alles of niks”-geval nie. ’n Veel beter bedeling kon beding gewees het.

FW de Klerk lieg al weer, net soos hy daardie tyd gedoen het.

Ons het nie vergeet hoe doeltreffend Tertius Delport die Kodesa 1-onderhandelinge (ja, ons onthou nog daar was ’n Kodesa 1) gevoer het nie.

Maar uit die bloute het De Klerk hom vervang deur die ANC-gesinde Roelf Meyer. En waar was De Klerk tydens hierdie lotsbepalende gebeure? Hy was besig om sy gasheer met sy gasheer se vrou op sy gasheer se skip te verneuk. Hy het vir sy gasheer gelieg, hy het vir sy vrou gelieg en hy het vir sy mense gelieg.

Kon hulle nie sien wat in Afrika gebeur nie?

Deur Teleurgesteld - My Beeld

FW de Klerk moes destyds die Nobelprys vir verraad ontvang het en Mandela die prys vir die massa-vernietiging van die Afrikaner en ’n Eerstewêreldse land.

Ek wonder wat dink hy en sy mede-uitverkopers Pik Botha en Roelf Meyer nou as hulle sien waar die Afrikaner ná 15 jaar staan terwyl hulle in hul nessies van weelde lewe.

Dit terwyl Ramaphosa later gespog het hy kon nie glo hoe maklik dit was by die onderhandelingstafel nie. Lees verder...

G6 en Olifanttenk beter voorbeelde as wyn

Deur Charl de Jager - My Beeld

In reaksie op Anesca Smith se berig: “SA reg vir opskudding” (Beeld, 1 Februarie).

Mnr. FW de Klerk het verskeie redes aangevoer waarom die verandering in Suid-Afrika teweeggebring is.

Het mnr. De Klerk dan vergeet wat gebeur het tydens die destydse wapenverbod?

Ons het onder meer die beste veld-kanon (G6) in sy klas ter wêreld ontwikkel, asook die Olifanttenk en die Rooivalk-aanvalshelikopter.

Hoe kan hy dit vergelyk met ’n bottel wyn wat nie uitgevoer sou word as die “demokratiese” verkiesing van 1994 nooit plaasgevind het nie?

Ek daag mnr. De Klerk uit: Kom sê wat jy in Londen kwytgeraak het vir ons in ons eie land en vir ons eie mense.

Kom sê dit vir Karen Bezuidenhout, wat Saterdagaand ’n weduwee geword het, kom sê dit vir Lauren en Jarrod Bezuidenhout, wat Saterdagaand hul pappa (Bossie) aan die dood moes afstaan deurdat ’n rower hom geskiet het toe hy sy seuntjie in die bed wou gaan sit.